ኣብ ኣዲስ ኣበባ ናይ ኣፍሪቃ ላዕለዎት ትካላት ኦዲት ዓውደ መጽናዕቲ ተጀሚሩ

ኣብ ኣዲስ ኣበባ ንላዕለዎት ትካላት ኦዲት ኣፍሪቃ (SAIs) ዘተኮረ ናይ ሰለስተ መዓልቲ ዓውደ መጽናዕቲ ተጀሚሩ። ኦዲተር ጀነራል ኢትዮጵያ ወይዘሮ መሰረት ዳምጠው፣ ትካላት ኦዲት ንዝሓሸ ተሓታትነትን ምምሕዳር ፋይናንስን ኣብ ኣፍሪቃ ብሓባር ክሰርሑ ከምዝግባእ ኣገንዚበን። እቲ ዓውደ መጽናዕቲ ኣብ መደብ ARISE ዘተኮረ ኮይኑ፡ ዕላምኡ ድማ ጽሬት ኦዲትን ዓቕሚ ተሓታትነት መንግስታዊ ትካላትን ምዕባይ እዩ። ወኪል INTOSAI Development Initiative (IDI) መሓመድ ዳቦ፡ ዘላቒ ለውጢ ንምምጻእ ብርቱዕ መሪሕነትን ዓቕምን የድሊ ኢሎም። እቲ ብድጋፍ ትካል ምትሕብባር ልምዓት ኖርወይ (Norad) ዝግበር መደብ ARISE፡ ካብ 2025 ክሳብ 2028 ክቕጽል እዩ።