ፕረዚደንት ታየ ኣፅቀስላሴ ኣብ ኣፍሪቃ ብመረጃ ዝተመስረተ ፖሊሲ ምውጻእ ኣገዳሲ ምዃኑ ኣገንዚቦም

ፕረዚደንት ታየ ኣፅቀስላሴ ኣብ ኣዲስ ኣበባ ኣብ ዝተኻየደ መበል 10 ጉባኤ ኮሚሽን ስታቲስቲክስ ኣፍሪቃ ኣብ ዘስምዕዎ መደረ፣ ሃገራት ኣፍሪቃ ንልምዓተን ብመረጃ ዝተደገፈ ክገብረኦ ፃውዒት ኣቕሪቦም። ኢትዮጵያ ኣብ ዘካየደቶ ናይ ፋይናንስን ዲጂታልን ንጥፈታት ብምጥቃስ፣ ብፍላይ ዲጂታል መለለዪ 'ፋይዳ'ን ስርርዓት ሞባይል ባንኪንግን ንግልጋሎት ኣብ ምዝርጋሕ ዘለዎ ተራ ገሊፆም። ኣብ ትሽዓተ ኣዋርሕ ኣብ ኢትዮጵያ ካብ 24 ትሪሊዮን ብር ንላዕሊ ብሞባይል ገንዘብ ከምዝተዘዋወረ ብምጥቃስ፣ እዚ ንልምዓት ወሳኒ ምዃኑ ኣገንዚቦም። ትካላት ስታቲስቲክስ ናጽነተን ክሕልዋን ሓደስቲ ቴክኖሎጂታት ብምጥቃም ፅሬት መረጃ ከዕብያ ከምዝግባእ ኣተሓሳሲቦም። እዚ ንሓሙሽተ መዓልታት ዝፀንሕ ዋዕላ፣ ኣብ ኣፍሪቃ ኣሰራርሓ መረጃ ንምዝማን ዝዓለመ እዩ።