ቤት ምኽሪ ሃይማኖታት ንሃገራዊ ሓድነትን ሰላምን ቆራጽነቶም ኣረጋጊጾም

ኣባላት ቤት ምኽሪ ሃይማኖታት ኢትዮጵያ ዝኾና ኣርባዕተ ትካላት፡ ንሃገራዊ ሰላምን ሓድነትን ዘለወን ቆራጽነት ብሓባራዊ መግለጺ ኣረጋጊጸን። እቲ ቤት ምኽሪ ብቐንዱ ኣብ ሓሙሽተ ዓበይቲ ጉዳያት ኣድሂቡ ይዝቲ ኣሎ። እዞም ጉዳያት ክብሪ ደቂ ሰባት ምሕላው፣ ናጽነት ሃይማኖት ምርግጋጽ፣ ኣብ ዲጂታል ሚድያ ዝዝርጋሕ መርዚ ጽልኢ ምክልኻል፣ ተሳትፎ ደቂ ኣንስትዮን መንእሰያትን ኣብ ህንጸት ሰላም ምዕባይ፣ ከምኡ’ውን ባህላዊ መገዲ ፍታሕ ግጭት ምድንፋዕ ዝብሉ እዮም። ብፍላይ ኣጠቓቕማ ማሕበራዊ ሚድያ ንሰላምን ንሓባራዊ ረብሓን ክውዕል ከም ዘለዎ ተገሊጹ። ተወከልቲ ቤተ ክርስቲያን ኦርቶዶክስ ተዋህዶ፣ ላዕለዋይ ቤት ምኽሪ ጉዳያት እስልምና፣ ቤተ ክርስቲያን ወንጌላውያን፣ ከምኡ’ውን ቤተ ክርስቲያን ሰባቲ ቀን አድቬንቲስት ኣብዞም ጉዳያት ዘለወን መርገጺ ኣንጸባሪቐን። ሃይማኖታዊ ትምህርትታት ንሰላምን ንሓድነትን ልዑል ግደ ከም ዘለዎም ተገሊጹ።