የኢትዮጵያ አየር መንገድ ወደ ሞዛምቢክ ናካላ በረራ ጀመረ

የኢትዮጵያ አየር መንገድ ወደ ሞዛምቢክ ናካላ ከተማ በሳምንት ሦስት ጊዜ የሚያደርገውን አዲስ የበረራ አገልግሎት መጀመሩን አስታወቀ። የመጀመሪያው በረራ ጥቅምት 17 ቀን ከአዲስ አበባ ቦሌ ዓለም አቀፍ አውሮፕላን ማረፊያ ይጀመራል። ናካላ የአየር መንገዱ በሞዛምቢክ ሦስተኛው መዳረሻ ሆኗል። የኢትዮጵያ የውጭ ጉዳይ ሚኒስቴር የአፍሪካ ጉዳዮች ዳይሬክተር ጄኔራል አምባሳደር ዘሪሁን አበበ እና የሞዛምቢክ አምባሳደር ለኢትዮጵያ አቶ ኑኖ ቶማስ በምረቃ ሥነ ሥርዓቱ ላይ ተገኝተዋል። አምባሳደሮቹ አዲሱ መስመር የሁለቱን አገራት የንግድ፣ የቱሪዝም እና የኢንቨስትመንት ግንኙነት እንደሚያጠናክር ገልጸዋል።