Itoophiyaa Airlines gara Naakaalaa, Mizaambikitti balaliin jalqabe

Itoophiyaa Airlines gara magaalaa Naakaalaa, Mizaambikitti torbanitti si’a sadii balalii jalqabuu isaa beeksise. Balaliin jalqabaa Muddee 17, buufata xiyyaaraa idil-addunyaa Boolee Finfinneerraa kan jalqabamu ta’a. Naakaalaan bakka Itoophiyaa Airlines Mizaambik keessatti dhaqu sadiffaa ta’eera. Sirna eebbaa kanarratti Daayreektarri Olaanaa Dhimmoota Afrikaa Ministeera Dhimmi Alaa Itoophiyaa Ambaasaaddar Zerihuun Abeebaa fi Ambaasaaddarri Mizaambik kan Itoophiyaa Ambaasaaddar Nuunoo Toomaas argamaniiru. Ambaasaaddaroonni kunneen sararri haaraan kun walitti dhufeenya daldalaa, tuurizimii fi invastimantii biyyoota lamaanii akka cimsu ibsaniiru.