ኢትዮጵያን ኤርላይንስ ናብ ናካላ ሞዛምቢክ በረራ ጀሚሩ

ኢትዮጵያን ኤርላይንስ ናብ ከተማ ናካላ ሞዛምቢክ ኣብ ሰሙን ሰለስተ ግዜ ዝገብሮ ሓድሽ በረራ ከምዝጀመረ ኣፍሊጡ። ናይ መጀመርያ በረራ ጥቅምቲ 17 ካብ ኣዲስ ኣበባ ቦሌ ዓለምለኸ መዕረፍ ነፈርቲ ከምዝጅመር ተገሊጹ። ናካላ ናይቲ ኣየር መንገድ ኣብ ሞዛምቢክ ሳልሳይ መዳረሻ ኮይኑ ኣሎ። ኣብቲ ናይ ምረቓ ስነ-ስርዓት ዳይሬክተር ጀነራል ጉዳያት ኣፍሪካ ኣብ ሚኒስትሪ ጉዳያት ወጻኢ ኢትዮጵያ ኣምባሳደር ዘሪሁን ኣበበን ኣምባሳደር ሞዛምቢክ ኣብ ኢትዮጵያ ኣቶ ኑኖ ቶማስን ተረኺቦም። እቶም ኣምባሳደራት እቲ ሓድሽ መስመር ናይ ክልቲኤን ሃገራት ንግዲ፣ ቱሪዝምን ኢንቨስትመንትን ከምዘጠናኽሮ ገሊጾም።