ኢትዮጵያ ማእከል መፍረያ ፋርማሲዩቲካል ኣፍሪካ ንምዃን ትሰርሕ ከምዘላ ተገሊጹ

ኣብ ኣዲስ ኣበባ ኣብ ዝተኻየደ ኤግዚቢሽን መፍረያ መሳርሒ ጥዕና ኣፍሪካ፡ ሚኒስትሪ ጥዕና ኢትዮጵያ ማእከል መፍረያ ፋርማሲዩቲካል ኣፍሪካ ንምዃን ዘለዎ ትልሚ ኣፍሊጡ። ሚኒስትር ጥዕና ከምዝገለጽዎ፡ ኢትዮጵያ ዕዳጋ ፋርማሲዩቲከላ ክሳብ ዓመት 2030 ካብ 4 ቢሊዮን ዶላር ንላዕሊ ንምብጻሕን ናይ ኣፍሪካ ፍርያት ጥዕና ንምቕራብን ትሰርሕ ኣላ። እቲ ኣኼባ ዕድላት ኢንቨስትመንት ኣብ ምፍጣር፡ ቴክኖሎጂ ኣብ ምትሕልላፍን ተቆጻጻሪት ትካል ኣብ ምትሕብባርን ዘተኮረ እዩ። ፕረዚደንት ማሕበር መፍረያ ፋርማሲዩቲካልን መሳርሒ ጥዕናን ኢትዮጵያ ዶ/ር ታደሰ ተፈሪ፡ ሃገርና ንዘርፊ እዚ ዝኸውን መሠረተ ልማትን ውጽኢታዊ ስርዓት ቁጽጽርን ከምዘለዋ ገሊጾም። ከም ሓሳቦም ድማ፡ ኢትዮጵያ ኣብ ዝቕጽሉ ዓሰርተ ዓመታት ማእከል መፍረያ ክታበትን ኢንሱሊንን ንምዃን ትደሊ። ሙሁራት እቲ ዓውዲ ድማ ኤጀንሲ መድሃኒት ኣፍሪካን ስርዓት ምግዛእ መሳርሕታትን ንዕዳጋ እቲ ዘርፊ ንምምላእ ወሳኒ ምዃኑ ገሊጾም።