ኢትዮጵያ ምስ ኤውሮጳዊ ባንክ ኢንቨስትመንት ናይ ስትራቴጂክ ምትሕብባር ኣደልዲላ

ሚኒስትሪ ገንዘብን ልኡካን ኤውሮጳዊ ባንክ ኢንቨስትመንትን (EIB) ኣብ ኢኮኖሚያዊ ለውጢ ኢትዮጵያ ንምሕባር ተሰማሚዖም ኣለዉ። እቲ ዘተ 190 ሚልዮን ዩሮ ናይ ገንዘብ ደገፍ ዘጠቓለለ ኮይኑ፡ ካብዚ ውሽጢ 110 ሚልዮን ዩሮ ንገጠር ፋይናንስ (RUFIP III) ከምኡውን 80 ሚልዮን ዩሮ ንፕሮጀክትታት ኢነርጂን ዲጂታላይዜሽንን (RISED) ዝውዕል እዩ። ክልቲኦም ወገናት ኣብ ህንፀት መዓርፎ ነፈርቲ ቢሾፍቱ ብዛዕባ ዘሎ ዕድላት ፋይናንስ ተመያይጦም ኣለዉ። ሚኒስትር ዴኤታ ሚኒስትሪ ገንዘብ ወ/ሮ ትግስት ፍሰሃ፡ ኢትዮጵያ ውሽጣዊ ናይ ኢኮኖሚ ምምሕያሽ ትግልግል ከምዘላን ትኹረታ ድማ ኣብ ልምዓት ውልቀ-ዘርፊን፡ ኣብ ቀጠልያ ፋይናንስን ዕዳጋ ካፒታልን ምዃኑ ኣፍሊጠን። ኤውሮጳዊ ባንክ ኢንቨስትመንት ብወገኑ ንኢኮኖሚያዊ ዕቤት ኢትዮጵያን ንክልላዊ ምትእስሳርን ደገፍ ንምሃብ ዘለዎ ድልውነት ኣረጋጊጹ ኣሎ።