የቀድሞው ጠቅላይ ሚኒስትር ኃይለማርያም ደሳለኝ የኢትዮጵያ የባህር በር ጥያቄ ተገቢ መሆኑን ተናገሩ

የቀድሞው ጠቅላይ ሚኒስትር ኃይለማርያም ደሳለኝ ከኢትዮጵያ ዜና አገልግሎት ጋር ባደረጉት ቃለ መጠይቅ፣ ኢትዮጵያ የባህር በር የመፈለግ መብት የፍትሃዊ እና የጋራ ጥቅምን መሰረት ያደረገ መሆኑን ገለጹ። 130 ሚሊዮን ህዝብ ያላት ኢትዮጵያ የባህር በር መነፈጓ ታሪካዊ ጠባሳ መሆኑን ያነሱት አቶ ኃይለማርያም፣ ይህ ጉዳይ ለትውልድ እንዳይተላለፍ በሰላማዊ መንገድ መፈታት እንዳለበት አሳስበዋል።

አቶ ኃይለማርያም ለጎረቤት አገራት ጥያቄው የጋራ ኢኮኖሚያዊ ዕድገት እና የሰላም አካል እንደሆነ ተናግረዋል። የህዳሴ ግድብን ግንባታ እንደ ምሳሌ ያነሱት የቀድሞው ጠቅላይ ሚኒስትር፣ የባህር በር ጥያቄን የሚቃወሙ ወገኖች ፍርሃታቸውን በጋራ ተጠቃሚነት በመተካት የክልሉን መረጋጋት ማረጋገጥ እንዳለባቸው አሳስበዋል።