Mummichi Ministeeraa duraanii Hayilamaariyaam Dassaalany gaaffii daandii galaanaa Itoophiyaa deeggaran

Mummichi ministeeraa duraanii Hayilamaariyaam Dassaalany, Itoophiyaan daandii galaanaa argachuuf carraaqqii gootu gaaffii sirrii fi faayidaa waliinii irratti hundaa'e akka ta'e ENAtti himan. Itoophiyaan uummata miiliyoona 130 qabaattee daandii galaanaa dhabuun ishee miidhaa seenaa irraa dhufe ta'uu kan ibsan Hayilamaariyaam, dhimmi kun gara fuulduraatti akka hin dabree karaa nagaatiin furamuu akka qabu dhaamaniiru.

Obbo Hayilamaariyaam biyyoota ollaa gaaffiin kun misoomaa fi nageenya naannoo akka ta'e akka hubatan gaafataniiru. Ijaarsa hidha haaromsaa ilaalchisee mormii ture fakkeenya taasisuun, qaamoleen daandii galaanaa morman sodaa isaanii dhiisanii marii ijaaraa irratti akka xiyyeeffatan gorsaniiru.