ቀዳማይ ሚኒስትር ነበር ኃይለማርያም ደሳለኝ መሰረታዊ ሕቶ ባሕሪ ኢትዮጵያ ንቡር ምዃኑ ገሊጾም

ቀዳማይ ሚኒስትር ነበር ኃይለማርያም ደሳለኝ ንኢትዮጵያዊት ዜና ኣገልግሎት (ኢዜኣ) ኣብ ዝሃብዎ ቃለ መሕትት፣ ኢትዮጵያ መውጽኢ ባሕሪ ንምርካብ እትገብሮ ጻዕሪ መሰረታዊን ንሓባራዊ ረብሓ ዝዓለመን ምዃኑ ገሊጾም። ኢትዮጵያ 130 ሚልዮን ህዝቢ እናሃለዋ መውጽኢ ባሕሪ ዘይምህላዋ ታሪኻዊ በሰላ ምዃኑ ዘረድኡ ኃይለማርያም፣ እዚ ጸገም ንመጻኢ ወለዶ ከይሰጋገር ብሰላማዊ መንገዲ ክፍታሕ ከምዘለዎ ኣተሓሳሲቦም።

ኃይለማርያም ነተን ጐረባብቲ ሃገራት እቲ ሕቶ ናይ ሓባራዊ ቁጠባዊ ዕብየትን ሰላምን ምዃኑ ክርእይኦ ከምዝግባእ ተዛሪቦም። ህንጸት ግድብ ህዳሰ ከም ኣብነት ዘልዓሉ እቶም ቀዳማይ ሚኒስትር ነበር፣ ነቲ ናይ ባሕሪ በሪ ዝቃወሙ ወገናት ካብ ዘይተመስረተ ፍርሒ ወጺኦም ብዛዕባ ሓባራዊ ጥቕምን ምርግጋእ ከባቢን ክዘራረቡ ኣተሓሳሲቦም።