የኢትዮጵያ የወደብ ፍለጋ ሂደት የማይቀለበስ መድረኩ ላይ መድረሱን ባለሙያዎች ገለጹ

የዓባይ እና ቀይ ባህር ስትራቴጂክ ፎረም አባል የሆኑት ጠበቃ ዮናስ ወልደየስ፣ ኢትዮጵያ የወደብ ባለቤት ለመሆን የምታደርገው ጥረት በዓለም አቀፍ ህግ፣ በኢኮኖሚ አስፈላጊነት እና በጂኦግራፊያዊ አቀማመጥ የተደገፈ እና የማይቀለበስ ደረጃ ላይ የደረሰ መሆኑን ገለጹ። አሁን ላይ እየተከናወኑ ያሉ እንደ ቢሾፍቱ አውሮፕላን ማረፊያ እና ማዳበሪያ ፋብሪካ ያሉ ፕሮጀክቶች የወደብ አስፈላጊነትን አጉልተውታል።

በአዲስ አበባ ዩኒቨርሲቲ የሰላም እና ደህንነት ተመራማሪ የሆኑት ሙሉጌታ አየለ በበኩላቸው፣ ኢትዮጵያ ከቀይ ባህር 60 ኪሎሜትር ብቻ ርቃ እያለች ከባህር መራቋ ተቀባይነት እንደሌለው አስታውቀዋል። የኢትዮጵያ ወደብ የማግኘት ጥረት የጋራ ተጠቃሚነትን መሰረት ያደረገ መሆኑን እና በቀይ ባህር የሚስተዋሉ የባህር ላይ ወንጀሎችን በመከላከል ረገድ ሀገሪቱ ሚና ይኖራታል ብለዋል።