ጉዳይ ወደብ ኢትዮጵያ ናብ ዘይለወጥ ደረጃ በፂሑ ኢዩ፡ መጽናዕቲ ዘካየዱ ተመራመርቲ

ኣባል ስትራቴጂክ ፎረም ኒለን ቀይሕ ባሕርን ጠበቓ ዮናስ ወልደየስ፡ ፃዕሪ ኢትዮጵያ ናይ ወደብ ባለቤት ንምዃን ብህጊ ዓለም፡ ብድሌት ኢኮኖምን ጂኦግራፊያዊ ኣቀማምጣን ዝተደገፈን ናብ ዘይለወጥ ደረጃ ዝበፅሐን ምዃኑ ገሊፆም። ንሳቶም ከምዝበልዎ፡ እቲ ናይ ቢሾፍቱ መዕርፎ ነፈርትን ካልኦት ፕሮጀክታትን ንወደብ ዘለዎ ኣገዳስነት ኣጉሊሑ ኣሎ።

ተመራማሪ ሰላምን ድሕንነትን ዩኒቨርሲቲ ኣዲስ ኣበባ ሙሉጌታ ኣየለ ብወገኖም፡ ኢትዮጵያ ካብ ቀይሕ ባሕር 60 ኪሎሜትር ጥራሕ ርሒቃ እናሃለወት ካብ ባሕር ንኽትፍለ ምግባር ቅቡል ኣይኮነን ኢሎም። ፃዕሪ ኢትዮጵያ መሰረት ዝገበሮ ምትሕግጋዝን ረብሓን ምዃኑ ብምግላፅ፡ ኣብ ቀይሕ ባሕር ዝርአ ዘሎ ገበናት ባሕርን ዘረፋ መራኽብን ንምክልኻል ዓቢ ግደ ከምዘለዋ ኣተሓሳሲቦም።