Manni martee fi ogeeyyiin akka jedhanitti, gaaffiin buufata doonii Itoophiyaa sadarkaa hin deebiine irra ga'eera

Abukaatoo fi miseensi komitee 'Nile and Red Sea Strategic Forum' Yonas Woldeyes, gaaffiin Itoophiyaa buufata doonii argachuu seera idil-addunyaa fi fedhii diinagdee irratti hundaa'uun sadarkaa hin deebiine irra ga'eera jedhan. Hojiileen misoomaa biyyattii kan akka buufata xiyyaaraa Bishoftuuf buufata doonii argachuun murteessaa ta'uus ibsan.

Qorataa nagaa fi nageenyaa Yuunivarsiitii Finfinnee Mulugeta Ayyalee gamasaatiin, Itoophiyaan baayyee dhihoo (kilomeetira 60) qarqara galaana diimaa irra utuu jirtuu daangaa itti dhabuun fudhatama hin qabu jedhan. Itoophiyaan galaana diimaa irratti hirmaachuun ishee nageenya naannoo mirkaneessuu fi saaminsa doonii ittisuuf shoora olaanaa qabaata jedhaniiru.