Al Jazeera waggaa 30ffaasaa Finfinneetti kabajate

Al Jazeera waggaa 30ffaasaa ilaalchisee Finfinneetti sirni kabaja qophaa'eera. Daayrektarri Olaantuun Abbaa Taayitaa Miidiyaa Itoophiyaa Haymanot Zallaqaa, mootummaan Itoophiyaa miidiyaaleen idil-addunyaa biyyattii keessatti bilisaan akka hojjetan haala mijeessaa akka jiru ibsaniiru. Itti aantuun dursituu Komishinii Gamtaa Afrikaa Selma Malika Haddadiin gamasaaniin, miidiyaaleen idil-addunyaa Afrikaa irratti gabaasa dhuga-qabeessa fi wal-qixa ta'e akka dhiyeessan gorsaniiru. Hoji gaggeessaan biiroo Al Jazeera kan Itoophiyaa Mohaammad Tawakkel, dhaabbatichi sagalee kan hin qabneef sagalee ta'uuf kan hundaa'e ta'uu yaadachiisaniiru. Hirmaattonni sagantichaa miidiyaaleen waa'ee Afrikaa yeroo gabaasan gartuu fi rakkoo namoomaa qofa osoo hin taane, guddinaa fi aadaa qaruumeessaa qabeettii akka calaqqisiisan jajjabeessaniiru.