Hoggantoonni olaanoo Gamtaa Afrikaa fi Awurooppaa Finfinneetti mari'atan

Hoggantoonni olaanoon Gamtaa Afrikaa fi Awurooppaa Finfinneetti walgahii taa'uun walitti dhufeenya gamtichaa cimsuuf mari'achaa jiru. Walgahichi bu'aa yaa'ii 7ffaa Luandaa irratti godhame irratti hundaa'uun, dhimmoota nageenyaa, daldalaa, jijjiirama qilleensaa fi teeknoolojii dijitaalaa irratti karoora hojii qabatamaa baasuuf kaayyeffateera. Itoophiyaan dhimma bulchiinsa AI fi dijitaalaa irratti dhaabbata Gamtaa Afrikaa bakka bu'uun yaada ishee dhiyeessiteetti. Ambaasaaddar Meles Alem gamtaan Awurooppaa damee daldalaa, anniisaa fi oomishaarratti gargaarsa akka taasisu gaafataniiru. Keessumattuu, seeronni daldalaa Awurooppaa kanneen akka seera bosonaa fi kaarbonii oomishaalee Afrikaa kanneen akka bunaa fi kokoowwarratti dhiibbaa uumaa jiran akka fooyya'an gaafataniiru.