Pirezidaantiin Paarlaamaa Paan-Afrikaa Paartiileen Siyaasaa jijjiirama dinagdee akka hogganan waamicha dhiyeessan

Pirezidaantiin Paarlaamaa Paan-Afrikaa, Boutbig, guduunfaa yaa'ii Paartilee Siyaasaa Afrikaa isa lammaffaa Finfinneetti gaggeeffame irratti, paartiileen siyaasaa wal dorgommii aangootti qofa osoo hin taane jijjiirama dinagdee hogganuuf akka xiyyeeffatan dhaaman. Afrikaan oomishaalee gurgudaa alatti erguurra gara oomisha industiriifi teknoloojiitti akka ceetu hubachiisaniiru. Boutbig, naannoon daldala bilisaa kan Afrikaa (AfCFTA) hariiroo dinagdee cimsuuf murteessaa ta'uu ibsaniiru. Paarlaamaan Paan-Afrikaa qorannoo seera baastuu fi yunivarsiitii paarlaamaa Afrikaa akka hundeesu ibsameera. Kana malees, bara 2027 yaa'ii paartilee siyaasaa Afrikaa fi waggaa dhufu ammoo yaa'ii dubartoota paarlaamaa Afrikaa akka qopheessan beeksisaniiru.