Mana Maree Dhimmoota Islaamummaa Itoophiyaa Walgahii Waliigalaa Isaanii Xumuran

Mana Maree Dhimmoota Islaamummaa Itoophiyaa walgahii waliigalaa isaa kan waggaa lammaffaa guyyoota lamaaf gaggeessaa ture xumureera. Manichii ibsa ejjennoo qabxii 11 of keessatti qabate baasee, guutuu biyyattii keessatti walitti bu'iinsa jiru karaa nagaatiin akka hiikamu waamicha dhiyeesseera. Preezidaantiin mana maree sanaa Sheek Haajii Ibraahim Tufaa, ummanni Muslimaa hojiiwwan misoomaa fi nagaa biyyattii akka deeggaru gaafatanii, mootummaan mana murtii Shari'aa fi baankii Islaamummaaf deeggarsa taasiseef galata dhiyeessaniiru.

Sirna xumuraa irratti kan argaman Iyyi-aantuu Ministira Mummee Temesgen Tiruneh, garaagarummaa qaban karaa duudhaa amantii fi araara aadaatiin hiikuun akka barbaachisu ibsaniiru. Ministira Nageenyaa dabalatee hoggantoonni olaanoon mootummaa biroo sirnicha irratti argamaniiru.