Haleellaa qilleensaa Sa'uudii Yaman keessatti raawwatteen namoonni 33 ajjeefaman

Meediyaaleen Huutii akka gabaasanitti, haleellaa qilleensaa gamtaan Sa'uudii Arabiyaan durfamu magaalaa al-Shariyaa irratti raawwateen dubartootaa fi daa'imman dabalatee namoonni 33 ajjeefamaniiru. Viidiyoon buufata TV Al Masriihaa agarsiisutti, lubbuu baraartonni reeffa caccabaa gamoolee jala baasaa jiru. Dhaabbanni oduu Saabaa akka jedhetti, haleellaa kana keessatti namoonni 39 madaa'aniiru. Sa'uudiin gama ishiitiin qabxii kana irratti waan jette hin qabdu, garuu guyyoota darban keessa misaa'ela gara Riyaad deemaa ture fashaleessuu ibsiteerti. Dhaabbanni Biyyoota Gamtoomanii akka ibseetti, lolli deebi'ee jalqabee namoonni 1,600 ol ajjeefamanii, 300,000 ol qe'ee isaanii irraa buqqa'aniiru. Gareen Huutii haleellaa kanaaf haaloo bahuuf waadaa galeera.