ኣብ ከተማ መቐለ ዝካየድ ዘሎ ዘረፋ ንብረት ብህጹፅ ክደውም ጻውዒት ተቐሪቡ

ኣብ ከተማ መቐለ ኣብ ልዕሊ ትካላት መንግስትን ውልቀ ንብረትን ሰፊሕ ዘረፋ ይካየድ ከምዘሎ ካብታ ከተማ ዝረኸቡ ሓበሬታታት ኣመልኪቶም። ብሰንኪዚ ዝኾነ ይኹን ፖለቲካውን ወታደራዊውን ኩነታት እንተሃለወ ዘረፋ ንህዝቢ ጥራሕ ዘጎድእ ብሙኻኑ ብህጹፅ ክደውም ጻውዒት ተቐሪቡ ኣሎ። ዓበይቲ ዓዲ፣ መራሕቲ ሃይማኖት፣ ወጣታትን ወከልቲ ጎረባብትን ብሰላማዊ መንገዲ ተወደቦም ትካላት መንግስቲ፣ ትካላት ንግዲ፣ ኣፓርታማታትን መሰረታዊ ኣገልግሎታትን ክሕልዉ ተሓቲቶም። ኣብ 2013 ዓ.ም ዘጋጠመ ዘረፋ ዘስዓቦ ዕንወት ክደጋገም ስለዘይብሉ ህዝቢ ከተምኡ ክሕሉ ተጸውኡ ኣሎ። ኣብቲ እዋንቲ ህዝቢ መቐለ ተወዲቡ ከተምኡ ዝሓለወሉ ናይ ዜግነት ሓላፍነትን ምትሕግጋዝን ሎሚ እውን ከምዘድሊ ተገሊጹ።