ጠቅላይ ሚኒስትር ዐቢይ አሕመድ በ12ኛው የጣና ጉባኤ ንግግር አደረጉ

ጠቅላይ ሚኒስትር ዐቢይ አሕመድ በባሕር ዳር እየተካሄደ በሚገኘው 12ኛው የጣና ከፍተኛ የደህንነት ጉባኤ ላይ ንግግር አድርገዋል። በንግግራቸውም አፍሪካ እየተለወጠ ካለው ዓለም አቀፋዊ ሥርዓት ጋር ከመላመድ ባለፈ፣ ሥርዓቱን የመቅረጽ ሚና ሊኖራት እንደሚገባ አሳስበዋል። በውጭ የሚወሰኑ ውሳኔዎች በአህጉሪቱ ደህንነት እና ኢኮኖሚ ላይ የሚያደርሱትን ጫና የጠቀሱት ጠቅላይ ሚኒስትሩ፣ አፍሪካ ሀገር በቀል መፍትሔዎችን ማዘጋጀት እና የመቋቋም አቅሟን ማጠናከር እንዳለባት ገልጸዋል።

ለኢትዮጵያ ሰላም ቀዳሚ መሆኑን የገለጹት ጠቅላይ ሚኒስትሩ፣ መንግሥት ለብሔራዊ ምክክር ቁርጠኛ መሆኑን እና ሰላምን ለሚመርጡ ኃይሎች በሩ ክፍት መሆኑን አረጋግጠዋል። ዜጎችን መከላከል፣ ሕገ-መንግሥታዊ ሥርዓትን ማክበር እና ለውይይት ቅድሚያ መስጠት እንደሚያስፈልግም በንግግራቸው አንስተዋል። ጉባኤው “የሰላም መንገዶች በአፍሪካ፦ የኢኮኖሚ ሉዓላዊነት እና የጂኦፖለቲካ ሽግግር” በሚል መሪ ቃል እየተካሄደ ይገኛል።