ቀዳማይ ሚኒስትር ኣቢይ ኣሕመድ ኣብ 12ይ ጉባኤ ጣና መደረ ኣቕሪቦም

ቀዳማይ ሚኒስትር ኣቢይ ኣሕመድ ኣብ ባህር ዳር ኣብ ዝካየድ ዘሎ 12ይ ጉባኤ ጣና ላዕለዋይ ውሕስነት መደረ ኣቕሪቦም። ኣብ መደረኦም ኣፍሪካ ምስቲ እናተቀየረ ዘሎ ዓለምለኻዊ ስርዓት ካብ ምላማድ ሓሊፋ፡ ነቲ ስርዓት ናይ ምቕራጽ ተራ ክህልዋ ከም ዘለዎ ኣተሓሳሲቦም። ኣብ ወጻኢ ዝውሰኑ ውሳነታት ኣብ ውሕስነትን ቁጠባን እታ ኣህጉር ዘሕድሮ ጽልዋ ብምጥቃስ፡ ኣፍሪካ ዓሌታዊ መፍትሒታት ክተዳሉን ናይ ምምካት ዓቕማ ከተጠናኽርን ከም ዘለዋ ገሊጾም።

ሰላም ንኢትዮጵያ ቀዳማይ ጉዳይ ከም ዝኾነ ዝገለጹ ቀዳማይ ሚኒስትር፡ መንግስቲ ንሃገራዊ ምኽክር ዘለዎ ድልውነትን ንሰላም ዝመርጹ ሓይልታት ኣፍደገ ከም ዝተኸፈተን ኣረጋጊጾም። ዜጋታት ምክልኻል፡ ቅዋማዊ ስርዓት ምኽባርን ንዘተ ቅድምያ ምሃብን ከም ዘድሊ ኣብ መደረኦም ኣልዒሎም። እቲ ጉባኤ “መገድታት ሰላም ኣብ ኣፍሪካ፦ ቁጠባዊ ሉኣላውነትን ጂኦፖለቲካዊ ቅልውላውን” ብዝብል መሪሕ ቃል ይካየድ ኣሎ።