Muummichi Ministeeraa Abiy Ahimad Walga'ii Olaanaa Taanaa 12ffaa irratti haasaa taasisan

Muummichi Ministeeraa Abiy Ahimad magaalaa Bahir Daariitti walga'ii olaanaa nageenyaa Taanaa 12ffaa irratti haasaa taasisaniiru. Haasaa isaaniitiin, Afrikaan sirna addunyaa jijjiiramaa jiru wajjin wal simachuu qofa osoo hin taane, sirnicha bocuudhaaf gahee qabaachuu akka qabdu hubachiisaniiru. Murteen alaa fudhatamu nageenyaa fi diinagdee kutaalee biyyaa irratti dhiibbaa akka qabu kan eeran muummichi ministeeraa, Afrikaan furmaata biyya keessaa qopheessuu fi dandeettii of-ittisuu ishee cimsuu akka qabdu ibsaniiru.

Nageenyi Itoophiyaadhaaf dursa kan qabu ta'uu kan ibsan muummichi ministeeraa, mootummaan marii biyyaalessaaf kutannoo qabaachuu fi harka nageenya filataniif balballi banaa ta'uu mirkaneessaniiru. Lammiilee eeguu, sirna heeraa kabajuu fi mariif dursa kennuun barbaachisaa ta'uu haasaa isaanii keessatti kaasaaniiru. Walga'ichi mata duree 'Daandiiwwan Nageenyaa Afrikaa keessatti: Walabummaa Diinagdee fi Jijjiirama Geopolitikaa' jedhuun geggeeffamaa jira.