ኮርፖሬሽን ኣባይቲ ፌደራል ንሓላፊ ስራሕ ብዝምልከት ናይ ስንብትን ኣቀባብላን ኣካይዱ

ኮርፖሬሽን ኣባይቲ ፌደራል ንዓሰርተ ዓመታት ዝኣክል ዋና ኣካያዲ ስራሕ ኾይኖም ዘገልገሉ ዶ/ር ረሻድ ከማል ብምስጋና ሰናቢቱ። ሰራሕተኛታት እቲ ኮርፖሬሽን ዶ/ር ረሻድ ነቲ ትካል ኣብ ምቕያርን ሂወት ሰራሕተኛታት ኣብ ምምሕያሽን ንዝገበርዎ ኣበርክቶ ምስጋናኦም ኣቕሪቦም። ኣብቲ መርሃ ግብሪ ሓዳስ ዋና ኣካያዲ ስራሕ ወ/ሮ ጫልቱ ሳኒ ሞቕ ዘበለ ኣቀባብላ ተገይሩለን።

“ናይ ለውጢ ቅብብሎሽ ንፅባቐ” ብዝብል መሪሕ ቃል ኣብ ዝተኻየደ መርሃ ግብሪ፡ ሰራሕተኛታት ንሓዳስ ሓላፊት ምሉእ ምትሕብባር ከምዝገብሩ ቃሎም ኣሕዲሶም። እቲ መርሃ ግብሪ ነቲ ዝነበረ መሪሕነት ንምምስጋንን ነቲ ትካላዊ ለውጢ ንምቕፃልን ዝዓለመ እዩ።