አዲስ አበባ ፖሊስ ህገ-ወጥ የተሽከርካሪ ጥቁር ሽፋን ላይ እርምጃ እየወሰደ ነው

የአዲስ አበባ ፖሊስ ዋና ጠቅላይ መምሪያ ያለ ህጋዊ ፈቃድ የተሽከርካሪ ጥቁር ሽፋን (Sticker) እና የይለፍ ወረቀት የሚጠቀሙ አሽከርካሪዎች ላይ ጥብቅ ቁጥጥር እያደረገ ይገኛል። ባለፉት ሰባት ቀናት ብቻ በተደረገ ኦፕሬሽን በአጠቃላይ 1,111 ተሽከርካሪዎች ላይ እርምጃ መወሰዱን የትራፊክ ዋና መምሪያ ኃላፊው ኮማንደር አበራ ባይሳ አስታውቀዋል።

ከእነዚህ ውስጥ 899ቱ ጊዜያቸው ያለፈባቸው ወይም ህገ-ወጥ ፈቃድ የያዙ ሲሆኑ፣ 153ቱ የተለያዩ የደንብ ጥሰት የፈጸሙ የሞተር ሳይክል አሽከርካሪዎች እንዲሁም 59 ተሽከርካሪዎች አፈር ጭነው መንገድ በማበላሸታቸው የተወሰደባቸው ነው። ፖሊሱ በትራፊክ ደህንነት እና በከተማው የትራፊክ ፍሰት ላይ የሚደረገው ጥብቅ ቁጥጥር ተጠናክሮ እንደሚቀጥል አስታውቋል።