Poolisiin Finfinnee konkolaataa daawwitii gurraacha seeran alaa fayyadaman irratti tarkaanfii fudhachaa jira

Poolisiin Finfinnee konkolaattota daawwitii gurraacha (stikarii) fi waraqaa hayyamaa seeran alaa fayyadaman irratti tarkaanfii cimaa fudhachaa jira. Hoji-gaggeessaan damee tiraafikii komaandar Aberaa Baayisaa akka ibsanitti, torban tokko qofa keessatti konkolaattota 1,111 irratti tarkaanfiin fudhatameera.

Isaan keessaa 899 hayyama daawwitii gurraacha yeroon isaa darbee fi seeran alaa fayyadamaa turan. Kana malees, konkolaattota 153 kan ta'an seera tiraafikii cabsuu fi konkolaattota 59 immoo daandii faaluun waan itti himameef irratti tarkaanfiin fudhatameera. Poolisiin nageenya tiraafikii mirkaneessuuf to'annoon kun cimee itti fufuuf akka jiru beeksiseera.