ኢትዮጵያ ካብ ሩሲያ ዘመናዊ ናይ ኣየር ምክልኻል ስርዓት S-400 ከምትረክብ ኣፍሊጣ

ኢትዮጵያ ካብ ሩሲያ ኣርባዕተ ዘመናዊ ናይ ኣየር ምክልኻል ስርዓት S-400 ከምትረክብ ኣፍሊጣ። እዚ ናይ ውግእ መሳርሒ ስርዓት ነፈርቲ፣ ናይ ክሩዝ ሚሳይላት፣ ድሮናትን ባሊስቲክ ሚሳይላትን ንምለላይ፣ ንምክትታልን ንምቅራጽን ዘኽእል ዓቕሚ ኣለዎ።

እቲ ስርዓት ራዳራት፣ ናይ ትእዛዝ መቆጣጠርን ሚሳይል መወንጨፊያን ዝሓዘ ኮይኑ፣ ናይ ራዳር መለለይ ዓቕሙ ክሳብ 600 ኪሎሜትር በጺሑ ኣሎ። ኣብ ተሽከርካሪ ተገጢሙ ዝንቀሳቐስ ስለዝኾነ ድማ ከም ኣድላይነቱ ናብ ዝተፈላለዩ ቦታታት ክግዕዝ ይኽእል እዩ። ከም ሩሲያ፣ ቻይና፣ ቱርክን ህንድን ዝበሉ ሃገራት እዚ መሳርሒ ውግእ ይጥቀማሉ ኣለዋ።