ኣብ መቐለ 'መሶብ' ዝተባህለ ናይ ሓደ ማእከል ኣገልግሎት ንምትግባር ይስራሕ ኣሎ

ኣብ ከተማ መቐለ 114 ዓይነት ኣገልግሎታት ኣብ ትሕቲ ሓደ ማእከል ንምሃብ ዝኽእል 'መሶብ' ዝተባህለ ናይ ሓደ ማእከል ኣገልግሎት ንምትግባር ምድላዋት ይግበር ኣሎ። ናይ ፈደራል መንግስትን ምምሕዳር ከተማ መቐለን ሓለፍቲ እቲ ኣገልግሎት ብቕልጡፍ ንኽጅምር ተላዚቦም እዮም። ከንቲባ ከተማ መቐለ ዶክተር ሺሻይ ኣማረ፡ እዚ ዘመናዊ ኣሰራርሓ ኣብ ክልል ትግራይ ንኽትግበር ትኹረት ሂቦም ከምዝሰርሑ ገሊጾም እዮም።

እዚ 'መሶብ' ዝተባህለ ናይ ሓደ ማእከል ኣገልግሎት፡ ንተጠቃሚታት ግዜን ፃዕርን ብምቑጣብ ዝተፈላለዩ ኣገልግሎታት መንግስቲ ኣብ ሓደ ቦታ ንምርካብ ዘኽእል እዩ።