ኣብ ዩኒቨርሲቲ ኣዲስ ኣበባ ልዕሊ 537 ሚልዮን ብር ዘይተኣከበ ሕሳብ ከምዘሎ ኦዲት ኣመልኪቱ

ብመሰረት ሪፖርት ቤት ፅሕፈት ዋና ኦዲተር ፌደራል (OFAG)፡ ዩኒቨርሲቲ ኣዲስ ኣበባ 537.45 ሚልዮን ብር ዘይተኣከበ ወይ ዘይተወራረደ ሕሳብ ሒዙ ይርከብ። ካብዚ ገንዘብ እዚ እቲ ልዕሊ 145.25 ሚልዮን ብር ዝኾነ ንሓሙሽተ ክሳብ ዓሰርተ ዓመታት ዘይተኣከበ ኮይኑ ዝፀንሔ እዩ። እቲ ናይ 2017 በጀት ዓመት (2024/25) ናይ ኦዲት ሪፖርት ከምዘመልክቶ፡ እቲ ዩኒቨርሲቲ ነዚ ገንዘብዚ ንምእካብ ኣድላይ ዘበለ ምምሕዳራዊን ሕጋዊን ስጉምትታት ኣይወሰደን። እቲ ዘይተኣከበ ሕሳብ ካብቶም ናብ ደገ ወፂኦም ዘይተመልሱ መሁራን ዝድለ ገንዘብ እውን ዘጠቓልል እዩ። እዚ ሪፖርት ኣብ ምምሕዳር ፋይናንስ እቲ ዩኒቨርሲቲ ዘሎ ርኡይ ሕፅረታት ዘርኢ እዩ።