አል-ቡርሃን ኣብ ሱዳን ኣብ ዝተፈጸመ መጥቃዕቲ ኣየር ግብጺ ብምህላዎም ነቐፌታ ይገጠሞም

መራሒ ሰራዊት ሱዳን ጀነራል ኣብደል ፈታህ ኣል-ቡርሃን፣ ኣብ ጥቓ ድንበር ግብጺ ኣብ እትርከብ ጀባል ኣል-ኡቃይዳት ብዝተፈጸመ መጥቃዕቲ ኣየር በዝሒ ዘለዎም ኣውፈርቲ ወርቂ ብምቕታሎም ተኸቲሉ ብህዝቢ ይነቀፉ ኣለዉ። ግዳያትን ኣክቲቪስትን እቲ መጥቃዕቲ ብነፈርቲ ኣየር ግብጺ ከምዝተፈጸመ ይገልጹ ኣለዉ። ድሕሪ እቲ መጥቃዕቲ ዝተለዓለ ስእልታትን ቪድዮታትን ኣብ ማሕበራዊ መራኸቢታት እናተዘርግሐ እኳ እንተሎ፣ መንግስቲ ሱዳን ክሳብ ሕጂ ግልጺ ምላሽ ዘይምሃቡ ሕቶ ፈጢሩ ኣሎ።

እዚ ተግባር ኣብ ውሽጢ ፖለቲካ ሱዳን ባእሲ ፈጢሩ ኣሎ። ብዙሓት ሰባት ጀነራል ኣል-ቡርሃን ምስ ግብጺ ዘለዎም ዝምድና ንምዕቃብ ክብሉ ነቲ ጉዳይ ከምዝሸለልዎ ይገልጹ ኣለዉ። ክሳብ ሕጂ እተን ክልተ ሃገራት ኣብቲ ጉዳይ ወግዓዊ መግለጺ ኣይሃባን ዘለዋ።