በኢትዮጵያ የረድኤት ድርጅት ሰራተኞች 44 በመቶ የሚሆኑት ወሲባዊ ጥቃትን ለመጥቆም ይፈራሉ

የሜልበርን ዩኒቨርሲቲ ከኢትዮጵያ የጾታ ብዝበዛና ጥቃት መከላከል ኔትወርክ ጋር በመተባበር ባደረገው ጥናት፣ በኢትዮጵያ የሚሰሩ የረድኤት ሰራተኞች ወሲባዊ ብዝበዛን፣ ጥቃትንና ትንኮሳን ለመጥቆም እንደሚፈሩ ተገለጸ። ጥናቱ እንደሚያሳየው 44 በመቶ የሚሆኑት የረድኤት ሰራተኞች የበቀል እርምጃ እንደሚወሰድባቸው በመስጋት ሪፖርት ከማድረግ ይቆጠባሉ።

'የሪፖርት ክፍተት፡ ማንነት፣ ባህል እና የጾታ ብዝበዛ ተጠያቂነት በኢትዮጵያ የረድኤት ዘርፍ' በሚል ርዕስ የወጣው ይህ ጥናት፣ የረድኤት ድርጅቶች ሰራተኞችን ለመጠበቅ ያላቸውን አቅም እና ተግዳሮቶች ይመረምራል። ጥናቱ በዘርፉ ያሉ ሰራተኞች ደህንነት እና ጥበቃ ላይ መሻሻል እንደሚያስፈልግ አመላክቷል።