ኣብ ኢትዮጵያ 44 ሚእታዊት ናይ ረድኤት ሰራሕተኛታት ወሲባዊ ማህሰይቲ ንምክስ ተኸሲሶም ክቀጽዑ ይፈርሁ

ዩኒቨርሲቲ ሜልበርን ምስ መርበብ ምክልኻል ወሲባዊ ማህሰይቲ ኢትዮጵያ ብምትሕብባር ዘካየዶ መጽናዕቲ፡ ሰራሕተኛታት ረድኤት ኣብ ኢትዮጵያ ወሲባዊ ማህሰይቲን ዓመጽን ንምክስ ይፈርሁ ከምዘለዉ ኣረዲኡ። ከምቲ መጽናዕቲ መሰረት፡ 44 ሚእታዊት ካብቶም ተሳተፍቲ፡ ተኸሲሶም ናይ መቕጻዕቲ ወይ ናይ በቐል ስጉምቲ ክውሰደሎም ብምስጋእ ዝረኣይዎ ማህሰይቲ ከም ዘይክሱ ገሊጾም።

'ናይ ክሲ ክፍተት፡ መንነት፡ ባህሊን ተሓታትነትን ኣብ ዓውዲ ረድኤት ኢትዮጵያ' ብዝብል ኣርእስቲ ዝወጸ እቲ መጽናዕቲ፡ ኣብቲ ዓውዲ ዘለዉ ማሕበራዊን ባህላዊን ብድሆታት ይምርምር። እቲ ጸብጻብ፡ ሰራሕተኛታት ረድኤት ካብ ዓመጽ ተዓቂቦም ንምስራሕ ዘለዎም ጸገማትን ኣድላይነት ተሓታትነትን ዘጕልሕ ኮይኑ፡ ኣብ ትካላት ረድኤት ዘሎ ድሕንነት ሰራሕተኛታት ክመሓየሽ ከም ዘለዎ የመላኽት።