Hojjetoonni gargaarsaa Itoophiyaa keessa jiran 44% gudeeddii fi miidhaa gabaasuuf ni sodaatu

Qorannoon Yunivarsiitii Meelboornii fi 'Ethiopia PSEA Network' waliin ta’uun gaggeeffame, hojjetoonni gargaarsaa Itoophiyaa keessa jiran miidhaa saalqunnamtii, gudeeddii fi dararaa gabaasuuf soda akka qaban agarsiiseera. Qorannichaan akka ibsametti, hojjettoota gaafatamani keessaa dhibbeentaa 44 kan ta’an, tarkaanfiin haaloo bahuu irra ga’uu danda’a jedhanii waan sodaataniif miidhaa sana gabaasuuf duubatu.

Qorannoon 'The Reporting Gap: Identity, Culture and SEAH Accountability in Ethiopia’s Aid Sector' jedhuun maxxanfame kun, dhaabbilee gargaarsaa keessatti namoota miidhaan irra ga’e gabaasuuf rakkoolee jiran kan qoratu dha. Gabaasichi haala hojii fi aadaa dhaabbilee gargaarsaa keessatti rakkoolee jiran hiikuuf akkasumas hojjettootaaf eegumsa gochuuf xiyyeeffannoo akka barbaachisu ibseera.