ናይ ባውሃውስ ዘመናዊ ስነ-ህንጻ ኤግዚቢሽን ኣብ ኣዲስ ኣበባ ተኸፊቱ

ናይ ባውሃውስ ስነ-ህንጻ ንቅናቄን ተጽዕኖኡን ዘርኢ ኤግዚቢሽን ኣብ ኣዲስ ኣበባ ኣብ ዝርከብ ገብረ ክርስቶስ ደስታ ዘመናዊ ስነ-ጥበብ ሙዚየም ተኸፊቱ። እዚ ኤግዚቢሽን እዚ ዝተኸፈተሉ ምኽንያት ናይ ባውሃውስ ቤት ትምህርቲ ኣብ ጀርመን ከተማ ደሳው ካብ ዝምስረት 100 ዓመት ምምላኡ ንምዝካር እዩ። እቲ መደብ ኣብ ጀርመን፣ ኢትዮጵያን ካልኦት ሃገራት ኣፍሪቃን ዝርከቡ ብሃሳብ ባውሃውስ ዝተነድፉ ህንጻታት ብስእልታትን ፎቶግራፍን ዘርኢ እዩ። እቲ 'ባውሃውስ ቢዮንድ ቦርደርስ' ዝብል ኣርእስቲ ዘለዎ ኤግዚቢሽን ካብ ጥቅምቲ 2 ንደሓር ንተዓዘብቲ ክፍቲ ኮይኑ ኣሎ።