ጠ/ሚ ዐቢይ አሕመድ ስለ ኢትዮጵያ ቀጠናዊ ሚና እና ሉዓላዊነት ገለጹ

ጠቅላይ ሚኒስትር ዐቢይ አሕመድ ኢትዮጵያ በአፍሪካ ቀንድ ያላትን ሚና በሌሎች ችሮታ ሳይሆን በገዛ አቅሟና ጉልበቷ እንደምታረጋግጥ አስታወቁ። ጠቅላይ ሚኒስትሩ ኢትዮጵያ በቀጠናዊ ጉዳዮች ላይ ወሳኝ ተዋናይ መሆኗን በተግባር የምታሳይበት ምዕራፍ ላይ እንደምትገኝ ገልጸዋል። ባለፉት ዓመታት የውስጥና የውጭ ፈተናዎች ቢደቀኑባትም ሀገሪቱ ሉዓላዊነቷንና ክብሯን አስጠብቃ መቀጠሏን አስረድተዋል። ኢትዮጵያ ውድቀቷ ሲናፈቅ ጠንክራ የመውጣት ተፈጥሮ ያላት ሀገር መሆኗን የጠቆሙት ዶ/ር ዐቢይ፤ የሀገሪቱን ዘላቂ ህልውና ለማረጋገጥ የውስጥ አንድነትን ማጠናከር ወሳኝ መሆኑን አሳስበዋል።