Mummichi Ministeeraa Abiy Ahimad gahee Itoophiyaa naannichaa fi abbaa irrummaa ilaalchisee dubbatan

Mummichi Ministeeraa Abiy Ahimad akka jedhanitti, Itoophiyaan gahee ishee gaanfa Afriikaa keessatti qabdu gargaarsa nama biraatiin osoo hin taane humna fi dandeettii isheetiin mirkaneeffatti. Mummichi ministeeraa Itoophiyaan dhimmoota naannichaa keessatti qooda fudhataa ijoo ta'uu ishee hojiin kan agarsiiftu ta'uu ibsanii jiru. Waggoota darban keessa qorumsi keessaa fi alaa ishee mudatus, biyyattiin abbaa irrummaa fi kabaja ishee eeggachuu danda'uu ishee ibsaniiru. Dr. Abiy, Itoophiyaan yeroo kufaatiin ishee hawwamu jabaattee kan baatu ta'uu eeruun, jireenya biyyattii itti fufsiisuuf tokkummaa keessaa cimsuun murteessaa ta'uu dhaamaniiru.