Buufata raabsaa humna ibsaa Addis West deebisanii hojiirra oolchuuf tattaaffiin godhamaa jira

Abbaan taayitaa humna ibsaa Itoophiyaa buufata raabsaa humna ibsaa Addis West deebisanii hojiirra oolchuuf hojiiwwan lama akka jiran ibseera. Buufatichi rakkoo teeknikaatiin tajaajila addaan kutuu isaa hordofee, tiraansifoormerii bakka bu'u Arba Minchiirraa fiduuf hojiin gaggeessuu eegalameera; akkasumas tiraansifoormerii duraanii warshaalee Galaanitti suphuun hojjetamaa jira.

Akkaataa karooraatti, hojiiwwan lamaan keessaa isa dura xumurame tajaajilaaf akka oolu ibsameera. Daayrektarri quunnamtii dhaabbatichaa obbo Mogas Makonniin akka jedhanitti, hojiin teeknikaa kun walxaxaa waan ta'eef guyyaa xumuraa murteessuun rakkisaadha. Jiraattoonni naannichaa guyyoota 15 darban keessa hanqina ibsaatiin miidhamaa akka jiran kan ibsame yoo ta'u, hanga rakkoon kun furamutti obsaan akka eeggatan gaafatameera.