መደበር መዕከለ ሓይሊ ኣዲስ ዌስት ናብ ኣገልግሎት ንምምላስ ፃዕሪ ይግበር ኣሎ

ኮርፖሬሽን ሓይሊ ኤሌክትሪክ ኢትዮጵያ መደበር መዕከለ ሓይሊ ኣዲስ ዌስት ናብ ኣገልግሎት ንምምላስ ክልተ መስመራት ብትይዩ የካይድ ከምዘሎ ኣፍሊጡ። ኣብ ኣዲስ ኣበባ ዝርከብ እቲ መደበር ብሰንኪ ቴክኒካዊ ጸገም ኣገልግሎት ምቁራጹ ስዒቡ፡ ካብ ኣርባ ምንጭ መተካእታ ትራንስፎርመር ናይ ምጓዓዝ ስራሕ ከምዝጀመረን፡ እቲ ዝበላሸወ ትራንስፎርመር ድማ ኣብ መደበር ጥገና ገላን ናይ ምጽጋን ስራሕ ብጎኒ ይካይድ ከምዘሎ ተገሊጹ።

ካብተን ክልተ ስራሓት እታ ቀዳማይ ዝተዛዘመት ንኣገልግሎት ከምእትውዕል ዝተሓበረ ኮይኑ፡ ናይ ኣርባ ምንጭ መጎዓዝያ ብጥንቃቄ ይገዓዝ ኣሎ። ቴክኒካዊ ስራሕቲ ዝተሓላለኸ ብምዃኑ ስራሕ ዝዛዘመሉ ንጹር ዕለት ምውሳን ከምዘጸግም ዳይሬክተር ኮሙኒኬሽን እቲ ትካል ኣቶ ሞገስ መኮንን ገሊጾም። ነበርቲ እቲ ከባቢ ዝሓለፉ 15 መዓልታት ብዘይ ኤሌክትሪክ ከምዝጸንሑ ተገሊጹ፡ እቲ ትካል ድማ ክሳብ መፍትሒ ዝርከብ ትዕግስቲ ክገብሩ ጸዊዑ።