በመቐለ የሕዝብ ቤተ መጻሕፍት በዝርፊያ ወድሟል

በመቐለ ከተማ እንዳ ማርያም ጉግሳ አካባቢ በዋይኤምሲኤ ድጋፍ ታድሶ ለሕዝብ አገልግሎት የተዘጋጀ የሕዝብ ቤተ መጻሕፍት በዘራፊዎች ከፍተኛ ውድመት ደርሶበታል። ቅዳሜ ወደ እሁድ አጥቢያ በተፈጸመው በዚህ ድርጊት፣ ለወጣቶችና ለአካባቢው ማህበረሰብ ዕውቀት ማግኛ ተስፋ ሆኖ የነበረው ተቋም ሙሉ በሙሉ ወድሟል።

ይህ ድርጊት በአካባቢው ማህበረሰብ ዘንድ ቁጣን ቀስቅሷል። ምንም እንኳን የመቐለ ከተማ አሁን ላይ ካለፉት ቀናት በተሻለ መረጋጋት ቢታይባትም፣ በሌሊት የሚፈጸሙ የዝርፊያ ወንጀሎች አሁንም እንደቀጠሉ ተገልጿል። ነዋሪዎችና የሚመለከታቸው አካላት ችግሩን ለመፍታትና አካባቢውን ለመጠበቅ ትኩረት እንዲሰጡ ጥሪ ቀርቧል።