Mana Kitaaba Ummataa magaalaa Maqaleetti saamamee manca’e

Magaalaa Maqalee naannawa 'Enda Maariyaam Gugsaa'tti mana kitaabaa ummataa kan YMCA dhaan haaromfamee tajaajilaaf qophaa'aa ture saamtootaan manca'uu ibsameera. Hagayya gara Dilbatti ce'u keessa hojiin badii kun raawwatamuun, dhaabbatichi dargaggootaafis ta'e hawaasa naannichaaf madda beekumsaa ta'ee ture guutummaatti barbadeeffameera. Gochi kun hawaasa naannichaa biratti aarii uumee jira.

Gam biraan, magaalaan Maqalee guyyoota darban caalaatti nagaa taatus, halkaniin hatuun manaa fi saamuun ammas akka itti fufee jiru himameera. Qaamoleen dhimmi ilaallatu furmaata akka barbaadan fi hawaasnis naannoo isaa akka eeggatu waamichi dhihaatee jira.