ኣብ መቐለ ዝርከብ ቤተ መጽሓፍቲ ብሰረቕቲ ተዘሚቱን ዓንዩን

ኣብ መቐለ ከተማ ኣብ ከባቢ እንዳ ማርያም ጉግሳ ብድጋፍ ዋይኤምሲኤ ተሓዲሱ ንግልጋሎት ህዝቢ ተዳልዩ ዝነበረ ቤተ መጽሓፍቲ ብሰረቕቲ ክቱም ዕንወት በፂሕዎ። ካብ ቀዳም ናብ ሰንበት ኣብ ዝነበረ ለይቲ ብዝተፈፀመ እዚ ተግባር፡ ንመንእሰያትን ንማሕበረሰብ ከባቢን መፍለጢ ዕውቀት ዝነበረ ትካል ብሙሉኡ ከምዝዓነወ ተገሊፁ።

እዚ ተግባር ኣብ ማሕበረሰብ ከባቢ መሪር ቍጠዐ ፈጢሩ ኣሎ። እቲ ከተማ ካብ ዝሓለፉ መዓልታት ብዝሓሸ ኩነታት ሰላም ዘለዋ እንተኾነት እውን፡ ብለይቲ ብለይቲ ዝፍፀም ዘሎ ዘረፋ ግን ገና ከምዘይተወገደ ተሓቢሩ። ዝምልከቶም ኣካላት ፍታሕ ክረኽቡን ማሕበረሰብ እውን ከባቢኡ ክሕሉን ፃውዒት ቀሪቡ ኣሎ።