ኣብ ኣዲስ ኣበባ ናይ 2019 ዓ.ም ምዝገባ ተመሃሮ መስከረም 30 ክዛዘም እዩ

ቢሮ ትምህርቲ ምምሕዳር ከተማ ኣዲስ ኣበባ ን2019 ዓ.ም ዘበን ትምህርቲ ካብ ቅድመ-ቀዳማይ ክሳብ ካልኣይ ደረጃ ክካየድ ዝጸንሐ ምዝገባ ተመሃሮ መስከረም 30 ቀን 2019 ዓ.ም ሙሉእ ብሙሉእ ከምዝዛዘም ኣፍሊጡ። እቲ ቢሮ ንነባራትን ሓደስትን ተመዝገብቲ ተመሃሮ እኹል ግዜ ምሃቡ ገሊጹ እዩ። ካብ ጥቅምቲ 01 ቀን 2019 ዓ.ም ጀሚሩ ኣብ ኩሉ ብርኪ ምንም ዓይነት ምዝገባ ተመሃሮ ከምዘይካየድ ናብ ኩሎም ክፍለ ከተማታት ትምህርቲ ጽሕፈት ቤታት ኣብ ዝጸሓፎ ሰርኩላር ኣረዲኡ። ወለድን ተመሃሮን እቲ ዝተቐመጠ ናይ ምዝገባ ግዜ ከየምልጦም ቅድሚ እቲ ዝተወሰነ መዓልቲ ምዝገባኦም ከጠናቕቑ ኣተሓሳሲቡ። እዚ ሓበሬታ እዚ ብቢሮ ትምህርቲ ኣዲስ ኣበባ መስከረም 27 ቀን 2019 ዓ.ም እዩ ተሓቢሩ።