የኤርትራ ጦር ዓዲግራት ገባ፤ የመንግስት ኃይሎች በአጉላዕ እና ሀገረ ሰላም እየገሰገሱ ነው

የዓዲግራት ከተማ ነዋሪዎች የኤርትራ ጦር ወደ ከተማቸው እንደገባ እና ወደ መቐለ መስመር እየተጓዙ እንደሆነ ለተለያዩ ዓለም አቀፍ መገናኛ ብዙሃን ተናግረዋል። ወታደሮቹ በዛላኣንበሳ እና በፋፂ አካባቢዎችም መታየታቸውን ነዋሪዎች ገልጸው፣ በቦታው ምሽግ እንደሰሩ ተናግረዋል። ከቀናት በፊት የፌዴራል መንግሥት ባለስልጣናት የኤርትራ ጦር በጦርነቱ መሳተፉን ማሳወቃቸው ይታወሳል።

በሌላ በኩል የኢትዮጵያ መከላከያ ሠራዊት እና የትግራይ የሰላም ኃይል ከመቐለ በስተሰሜን የምትገኘውን አጉላዕ ከተማ መቆጣጠራቸው ተገልጿል። እንዲሁም የመንግስት ኃይሎች ከመቐለ በስተደቡብ ምዕራብ ወደምትገኘው ሀገረ ሰላም ከተማ መድረሳቸው ተጠቁሟል። በሁለቱ አካባቢዎች ግጭቶች እንደነበሩና የትግራይ ኃይል ወደ ውቅሮ አቅጣጫ ማምራቱ ተነግሯል።