ሰራዊት ኤርትራ ናብ ዓዲግራት ኣትዩ፤ ሰራዊት መንግስቲ ኣብ ኣጉላዕን ሃገረ ሰላምን ይግስግሱ ኣለዉ

ነበርቲ ከተማ ዓዲግራት ሰራዊት ኤርትራ ናብ ከተምኦም ከምዝኣተወን ናብ መቐለ ከምዘምርሑን ንዝተፈላለዩ ማዕከናት ዜና ገሊጾም። እቶም ወታደራት ኣብ ዛላንበሳን ፋጽን ከምዝተራኣዩን ኣብቲ ከባቢታት መዕቆቢ ከምዝሰርሑን እቶም ነበርቲ ሓቢሮም። ቅድሚ ቁሩብ መዓልታት ሰበስልጣን መንግስቲ ፈደራል ሰራዊት ኤርትራ ኣብቲ ግጭት ከምዝተሳተፈ ምግላጾም ዝዝከር እዩ።

ብኻልእ ወገን ሰራዊት ምክልኻል ኢትዮጵያ ምስ ሓይልታት ሰላም ትግራይ ኮይኖም ነታ ካብ መቐለ ብሰሜን እትርከብ ኣጉላዕ ከተማ ከምዝተቆጻጸሩዋ ተገሊጹ። መንግስታዊ ሓይልታት ካብ መቐለ ብደቡብ ምዕራብ ናብ እትርከብ ሃገረ ሰላም ከምዝበጽሑ እውን ተሓቢሩ። ኣብተን ክልተ ከተማታት ከቢድ ውግእ ከምዝነበረን ሓይልታት ትግራይ ናብ ውቕሮ ከምዝኣተዉን ተፈሊጡ ኣሎ።