ኩነታት ኣብ ቤት ማእሰርቲ ዝርከቡ ሰባት ናይ ጠበቓ ሰለሞን ገዛኸኝ አቤት ምቕራብ

ናይ ይቕረታ ሰነድ ንምፍራም ፍቓደኛ ብዘይምዃኖም ኣብ ቤት ማእሰርቲ መቕጻዕቲ ወይ ብልምዲ 'ታንከር' ተባሂሉ ኣብ ዝጽዋዕ ክፍልታት ዝተዓጽዉ እሱራት ኩነታት ኣሰካፊ ምዃኑ ተገሊጹ። ጠበቓ ሰለሞን ገዛኸኝ ከም ዝገለጽዎ፣ ኣብ ቂሊንጦን ቃሊቲን ዝርከቡ እሱራት ማይን ኤሌክትሪክን ኣብ ዘይብሉ ክፍታት ይርከቡ። ጋዜጠኛታትን ሞያውያንን ሓዊሱ ብዙሓት እሱራት ናብ ዝተፈላለዩ ዞናትን ቤት ማእሰርትን ከም ዝተዛወሩ ተፈሊጡ። እንተላይ ጥዕናኦም ዘይጽቡቕ እሱራት ንጸገም ተቓሊዖም ኣለዉ። ጠበቓ ሰለሞን ነቲ ጉዳይ ንቤት ፍርዲ ብምምልካት፣ እሱራት ካብቲ መቕጻዕቲ ዝርከቡሉ ክፍልታት ክወጹን እቲ ኩነታት ክጻረን ሓቲቶም።