ፋብሪካ መጽረይ ክቡራት ማዕድናት ኣብ ቦሌ ለሚ ተመሪቑ

ኣብ ዞባ ፍሉይ ቁጠባ ቦሌ ለሚ፡ ሃገራዊ ፋብሪካ መጽረይ ክቡራት ማዕድናት ተመሪቑ። እቲ ፋብሪካ ብምትሕብባር ኮርፖሬሽን ኢንቨስትመንት ኢትዮጵያን ሳም ፕሬሺየስ ሜታልስን ዝተሃንጸ ኮይኑ፡ ንወርቅን ካልኦት ክቡራት ማዕድናትን ናብ ኣህጉራዊ ደረጃ ንምጽራይ ዘኽእል እዩ። እቲ ፋብሪካ ሙሉእ ዓቕሙ ምስ በጽሐ፡ ኣብ ዓመት ልዕሊ 600 ቶን ማዕድናት ክጽርይ ትጽቢት ይግበር። በዚ ፕሮጀክት እዚ ኣብ ዓመት ኣስታት 80 ቢሊዮን ዶላር እቶት ክርከብ ትጽቢት ይግበር። እዚ ፋብሪካ ንጸጋታት ማዕድን ኢትዮጵያ ክቡር ዋጋ ብምውሳኽ፡ ኢትዮጵያ ኣብቲ ከባቢ ማእከል ምጽራይ ማዕድናት ንምግባር ዝዓለመ እዩ።