ቀዳማይ ሚኒስትር ኣቢይ ኣሕመድ ሓደስቲ ሚኒስትር ዴኤታታት መዚዞም

ቀዳማይ ሚኒስትር ኣቢይ ኣሕመድ ሎሚ መዓልቲ ሓደስቲ ሚኒስትር ዴኤታታት መዚዞም ኣለዉ። ካብቶም ዝተሸሙ ውልቀሰባት ውሽጢ ነበር ኣፈጉባኤ ባይቶ ፈዴሬሽን ወይዘሮ ኬሪያ ኢብራሂም ሚኒስትር ዴኤታ ጉዳይ ደቂ ኣንስትዮን ማሕበረሰብን፣ መራሒ ኢዜማ ኣቶ እዮብ መሳፍንቲ ድማ ሚኒስትር ዴኤታ ከተማን መሰረተ ልማትን ኮይኖም ተመዚዞም ኣለዉ።

ከምኡ እውን ዶክተር እንደሻው ጣሰው ሚኒስትር ዴኤታ ሰላም፣ ዶክተር ቶላ በሪሶ ሚኒስትር ዴኤታ ትምህርቲ፣ ከምኡውን ኣቶ ኣብርሃም ማርሻሎ ሚኒስትር ዴኤታ ምክልኻል ኮይኖም ተመዚዞም ኣለዉ። ብተወሳኺ ኣብ ቤት ጽሕፈት ቀዳማይ ሚኒስትር፣ ሚኒስትር መስኖን ምድረ በዳን፣ ሚኒስትር መንእሰያትን ስፖርትን ከምኡውን ሚኒስትር ኢኖቬሽንን ቴክኖሎጂን ሓደስቲ ተሸምቲ ተመዲቦም ኣለዉ።