ዕጡቓት ሑቲ ኣብ መዕርፎ ነፈርቲ ስዑዲ ዓረብ መጥቃዕቲ ፈጺሞም

ዕጡቓት ሑቲ የመን ኣብ መዕርፎ ነፈርቲ ንጉስ ካሊድ ኣብ ሪያድ ስዑዲ ዓረብ ብዝፈፀምዎ መጥቃዕቲ ሚሳይል፡ 12 ሰባት ሞይቶም፡ ሚእታት ድማ ቆሲሎም። ካብቶም ዝሞቱ ውልቀሰባት ዜጋታት ስዑዲ፡ ባንግላዲሽ፡ ኣሜሪካ፡ ግብፂ፡ ጆርዳን፡ ሶርያ፡ ፍልስጤምን ሱዳንን ይርከብዎም። እቲ መጥቃዕቲ ስዒቡ ምንቅስቓስ በረራታት ኣብቲ መዕርፎ ነፈርቲ ግዝያዊ ደው ከምዝበለ በዓል ስልጣን ሲቪል ኣቪዬሽን ስዑዲ ኣፍሊጡ።

ብተወሳኺ ኣብ መዕርፎ ነፈርቲ ንጉስ ፋህድ ኣብ ዳማም ሚሳይል ከምዝወደቐ ተሓቢሩ፤ ዋላኳ ሰብ እንተይሞተ። ኣብ ዝሓለፉ ውሑዳት መዓልታት ኣብ ዝተፈጸመ መጥቃዕቲ ተወሳኺ 6 ሰባት ተቐቲሎም ኣለዉ። እቶም ዕጡቓት ሑቲ ነቲ መጥቃዕቲ ዘካይድዎ ዘለዉ ኣብ የመን ብስዑዲ ዝምራሕ ወታሃደራዊ ወፍሪ ንምቅዋም ምዃኑ ክገልጹ ከለዉ፡ ስዑዲ ድማ ነቲ ማሕንቖ ባሕሪ ባብ ኣል-መንደብ ንምክልኻልን ንመንግስቲ የመን ንምድጋፍን ወፍሪ ከምዝጀመረት ኣፍሊጣ።