ጌታቸው ረዳን ህወሓትን ብዛዕባ ኩነታት ትግራይ ዝሃብዎ መግለጺ

ቀድሞ ፕረዚደንት ግዝያዊ ምምሕዳር ትግራይን ሕጂ ድማ በዓል መዚ ንቀዳማይ ሚኒስተር አቶ ጌታቸው ረዳ፣ ትግራይ ንዝቕጽሉ ሽዱሽተ ኣዋርሕ ብኮማንድ ፖስት ፌዴራል ክትመሓደር ምዃና ገሊጾም። እቲ ኮማንድ ፖስት ጸጥታ ኣብ ምኽባር፣ ሰብኣዊ ሓገዝ ኣብ ምቕራብን ዳግመ ህንጸትን ክሰርሕ ምዃኑ ብምሕባር፣ ድሕሪ ሽዱሽተ ኣዋርሕ ድማ ክልላዊ ምርጫ ከምዝካየድ ኣመልኪቶም። ኣቶ ጌታቸው እቲ ውግእ ከምዝተወድአን ህወሓት ከምዘይትምለስን ብምግላጽ፣ መራሕቲ ህወሓት ሕጂ ኣብ ከባቢ ወንዝ መረብ ከምዘለዉ ተዛሪቦም እዮም።

ኣብቲ ካልእ ወገን ድማ መሪሕነት ህወሓት ኣብ ማሕበራዊ ሚዲያ ብዘውጽኦ መግለጺ፣ ወታደራዊ መጥቃዕቲ ንምክያድ ድልዋት ከምዝኾኑን ዝኾነ ሓይሊ ካብ ትግራይ ከምዘይወጽእን ኣፍሊጦም። ኣብ ቀረባ እዋን ከተማ ዓዲግራት ኣብ ትሕቲ ቁጽጽር ሓይሊ ፌዴራል ዝወደቐት ክትከውን ከላ፣ ከተማታት ኣኽሱምን ዓድዋን ድማ ኣብ ቀረባ መዓልታት ኣብ ትሕቲ ቁጽጽር ክኣትዋ ምዃነን ተገሊጹ።