ኣብ ኣዲስ ኣበባ ብኻራጀ ተወጊኣ ዝተቐትለት ወጣት ዮርዳኖስ ኣምበሉ

ወጣት ዮርዳኖስ ኣምበሉ ዝተባህለት ተመረቕቲ ኣካውንቲንግ፡ ኣብ ኣዲስ ኣበባ ወመዘክር ኣብ ዝርከብ ቤተ-መጻሕፍቲ ብኻራጀ ተወጊኣ ተቐቲላ። ስድራቤታ ከም ዝገለጽዎ፡ ገበነኛ ኢዮብ እንዳለ ዝተባህለ መሳርሕታ ኮይኑ፡ ዮርዳኖስ ፍቕራዊ ሕቶኡ ስለ ዝነጸገቶ እዩ ዝቐተላ። እቲ ተጠርጣሪ ነቲ ገበን ከም ዝፈጸሞ ንኣቦኡ ከም ዝነገረን፡ እቲ ኣቦ ድማ ብሽምግልና ንምፍታሕ ከም ዝፈተነን ተገሊጹ። እታ ወጣት ትምህርታን ስርሓን ብትግሃት ትከታተል ዝነበረት ኮይና፡ እቲ ተጠርጣሪ ንነዊሕ እዋን ክዕንቅፋ ከም ዝጸንሐ ተፈሊጡ። ፖሊስ ነቲ ተጠርጣሪ ኣብ ትሕቲ ቁጽጽር ዘውዓሎ ኮይኑ፡ ስድራቤታ ፍትሒ ንምርካብ ይጽውዑ ኣለዉ።